QHALI ÑAN
QHALI ÑANMAN
Ñawpaq Antikunaq yachaykunapi yuyaychasqa, kay wankaqa unanchakun llapan runaq qhali ñanman purinanta, suyakuynin, kawsaypa mosoqyaynin. Runa simipi “Qhali Ñanman” unanchakun pacha, runaq kallpan, puriynin, kurkun allinta qhaliyananpaq, nunan kallpachakunanpaq, sonqonpi waqmanta taqniyninta tarinanpaq.
Kay wankaqa hampina Wasi Antonio Lorena nisqata qhawarichin chay pata patakunawan Inkakunaq Ruwaynin chanischasqa. Sapanka pata pata unanchakun imayna runa pisi pisimanta qhaliyan, sinchi kaspa onqoyta mana pisipanchu, takyakuy sasachakuypi iñiytapas ñawpaqman purinapaq, hinaña ñan karu kaqtinpas.
Chay Wankaq Ancha patapi sayashan intiwatana, Ñawpaq willkakunaq unanchan, pachaman tinkuchisqa, intiman, runaq kawsayninman, pachamamaman, teqsimuyuman ima. Intiwatana yuyaychiwanchis thaniyqa manan kurkullachu kanan, kurkuqa tinkunan ukhunchispi kallpawan, kawsayninchiswan ima.
Kay Wankataqa marq’aq tumpa huk waskha ch’eqosqa rumimanta mayt’ushan muyuriqninta chawpipi watasqa. Kay Wanka unanchan kawsayta ancha sasachakuypi, aylluq munakuyninta, hampikamayoq onqosqakunata imayna qhawariyninta, khumpakunaq qhawariyninta, ayllunchispa khuyakuyninta ima, imayna llapanchis huk kawsaylla, huk runalla munanakunchis chayta.
Wankapi ch’eqosqa, unanchakun kallpa, yuyay, auqatinkuq, allin kawsay ima, kay wankaqa Yupaychan Antikunaq saqesqanta, ancha yuyayniyoq runakunata, llakipi hatariniyta ima.
Kay Qhali Ñanman nisqanchismi, sapanqa hamuqta yuyarichinqa, manan llaki pasaqpaqchu kanqa nitaq huk tutapas, sapa nanay hampita tarinqa hinaña huch’uyña kaqtinpas, runata achhuyan khaliyayman, allin kawsayman, munakuyman ima; munakuy kaqtinqa kanqapunin ñawpaqman rinapaq, t’ikarinapaq.
